Fimmtu lokaúrslitin í röð hjá Margréti Köru og Sigrúnu

KR og Hamar spila í kvöld fyrsta leikinn sinn í úrslitaeinvíginu um Íslandsmeistaratitilinn í kvennakörfuboltanum. Leikurinn hefst klukkan 19.15 í DHL-höll þeirra KR-inga en tveir leikmenn þekkja fátt annað en að vera í þessari stöðu á vorin.

KR-ingurinn Margrét Kara Sturludóttir og Hamarskonan Sigrún Ámundadóttir eru nefnilega báðar komnar í lokaúrslitin fimmta árið í röð. Kara var með KR í fyrra en Keflavík þrjú ár þar á undan en Sigrún var með KR-liðinu síðustu tvö ár og þar á undan tvö ár með Haukum.

Margrét Kara og Sigrún hafa bæði verið mótherjar og samherjar þessi fjögur ár. Árin 2006 og 2007 var Sigrún með Haukum og Margrét Kara með Keflavík. Árið 2008 var Margrét Kara með Keflavík og Sigrún með KR og í fyrra voru þær síðan saman með KR.

Þær Margrét Kara og Sigrún eiga þó ekki metið yfir flest lokaúrslit í röð því KR-ingarnir Guðbjörg Norðfjörð og Kristín Björk Jónsdóttir voru með í sjö lokaúrslitum í röð frá 1996 til 2002. Birna Valgarðsdóttir tók þátt í lokaúrslitum sex ár í röð með Keflavík á árunum 2003 til 2008.

Flest lokaúrslit í röð

7 Guðbjörg Norðfjörð 1996-2002

7 Kristín Björk Jónsdóttir 1996-2002

6 Birna Valgarðsdóttir 2003-2008

5 Margrét Kara Sturludóttir 2006-2010

5 Sigrún Ámundadóttir 2006-2010

5 Svava Ósk Stefánsdóttir 2003-2007



Síðustu fjögur lokaúrslit Margrétar Köru og Sigrúnar



2006

Margrét Kara, Keflavík (2. sæti)

3,0 stig - 10,5 fráköst - 1,5 stoðsendingar - 22,5 mínútur

Sigrún, Haukum (Íslandsmeistari)

3,0 stig - 4,3 fráköst - 0,7 stoðsendingar - 18,0 mínútur

2007

Margrét Kara, Keflavík (2. sæti)

7,8 stig - 8,0 fráköst - 2,5 stoðsendingar - 26,5 mínútur

Sigrún, Haukum (Íslandsmeistari)

14,0 stig - 7,5 fráköst - 2,5 stoðsendingar - 30,3 mínútur

2008

Margrét Kara, Keflavík (Íslandsmeistari)

6,3 stig - 11,0 fráköst - 3,3 stoðsendingar - 24,3 mínútur

Sigrún, KR (2. sæti)

13,0 stig - 12,0 fráköst - 2,7 stoðsendingar - 34,0 mínútur

2008

Margrét Kara, KR (2. sæti)

12,2 stig - 6,6 fráköst - 2,6 stoðsendingar - 34,4 mínútur

Sigrún, KR (2. sæti)

13,2 stig - 9,2 fráköst - 3,4 stoðsendingar - 35,8 mínútur