Inter vill fá Cassano

Inter bíður á hliðarlínunni eftir því að Antonio Cassano losni frá Sampdoria. Ítölsku meistararnir eru tilbúnir að veðja á hinn óstýriláta framherja.

Sampdoria hefur sagt upp samningi við Cassano en þarf að fara með riftunina dómstólaleiðina. Málið verður tekið fyrir 3. desember og þegar það mál er á enda geta önnur lið byrjað að spjalla við leikmanninn.

Hermt er að Inter sé til í að greiða Cassano 4 milljónir evra á ári fyrir samning sem næði til ársins 2013.

Cassano gæti varla hafnað slíkum samningi enda fækkar liðunum stöðugt sem eru til í að veðja á hann.