Slök rásstaða Ferrari í tímamótakeppni

Ferrari eru aðeins í áttunda og tólfta sæti á ráslínu, Felipe Massa á undan Fernando Alonso. Liðið hafði einfaldlega ekki hraðann sem þarf í sjálfu afmælistmóti liðsins, en Ferrari ræsir af stað í 800 skipti á sunnudag.

"Þetta er svo sannarlega ekki rásstaðan sem við hefðum viljað ræsa af stað úr, í sögulegu 800 móti Ferrari. En við verðum að viðurkenna að árangur okkar er undir væntingum. Við verðum að bregðast við, frá og með mótinu á morgun og reynum að ná eins mörgum stigum og færi er á. Felipe gerði allt sem í hans valdi stóð, en Alonso náði ekki í lokaumferðina úr annarri umferðinni. Þegar það er svona mjótt á munum má ekkert útaf bera", sagði Stefano Domenicali, framkvændarstjóri Ferrari um gengi liðs síns í dag samkvæmt frétt autosport.com.

Mótið er í beinni útsendingu á Stöð 2 Sport kl. 11.30 á sunnudag. Sjá á brautarlýsingu hérna.