Annað markalausa jafntefli Liverpool í röð í Evrópudeildinni

Napoli og Liverpool gerðu markalaust jafntefli í Napólí í K-riðli Evrópudeildarinnar í kvöld. Þetta varð þriðja jafntefli ítalska liðsins í röð í keppninni og ennfremur annar leikur Liverpool í röð í Evrópudeildinni sem endar með markalausu jafntefli.

Leikur Liverpool var betri heldur en í undanförnum leikjum þrátt fyrir að liðið léki án lykilmanna eins og Steven Gerrard og Fernando Torres sem hvíldu sig heima í Liverpool.

Napoli komst næst því að skora þegar Paul Konchesky bjargaði á marklínu frá Marek Hamsik á lokasekúndum fyrri hálfleiks. Napoli-menn vildu fá dæmt mark en endursýningar í sjónvarpi sýndu að marklínudómarinn hafði rétt fyrir sér.

Ryan Babel fékk besta færi Liverpool undir lok leiksins eftir flottan undirbúning frá Milan Jovanovic en Morgan De Sanctis, markvörður Napoli varði vel frá honum.

Liverpool er áfram í efsta sæti riðilsins sem fimm stig eða tveimur stigum meira en Napoli sem er í 2. sæti. Utrecht er með jafnmörg stig og Napoli en lakari markatölu eftir 1-1 jafntefli á heimavelli á móti Steaua Búkarest í kvöld.

Úrslit og markaskorarar úr leikjum Evrópudeildarinnar sem hófust klukkan 17.05:



G-riðill



Zenit St. Pétursborg-Hajduk Split 2-0

1-0 Aleksandr Bukharov (25.), 2-0 Danny (68.)

Anderlecht-AEK Aþena 3-0

1-0 Moubarek Boussoufa (31.), 2-0 Romelo Lukaku (71.), 3-0 Romelo Lukaku (75.).

H-riðill

Young Boys Bern-Odense BK 4-2

1-0 Henri Ntsama (25.), 2-0 Scott Lee Sutter (34.), 2-1 Peter Utaka (48.), 3-1 David Degen (61.), 4-1 Senad Lulic (74.), 4-2 Chris Sørensen (84.). Rúrik Gíslason spilaði fyrstu 72 mínúrunar en fór útaf í stöðunni 3-1.

Stuttgart-Getafe CF 1-0

1-0 Ciprian Marica (29.)

I-riðill

Metalist Kharkiv-Sampdoria 2-1

0-1 Vladimir Koman (32.), 1-1 Taison (38.), 2-1 Cleiton Xavier (73.).

Debreceni-Psv Eindhoven 1-2

1-0 Mirsad Mijadinoski (35.), 1-1 Orlando Engelaar (40.), 1-2 Jonathan Reis (66.)

J-riðill

Borussia Dortmund-Paris ST Germain 1-1

1-0 Nuri Sahin (50.), 1-1 Clément Chantôme (87.)



Karpaty Lviv-Sevilla 0-1

0-1 Frederic Kanoute (34.)

K-riðill



FC Utrecht-Steaua Búkarest 1-1

1-0 Edouard Duplan (60.), 1-1 Sjálfsmark (75.)

Napoli-Liverpool FC 0-0

L-riðill



Cska Sofia-Rapid Vín 0-2

0-1 Jan Vennegoor of Hesselink (28.), 0-2 Steffen Hofmann (32.)

Besiktas-Porto 1-3

0-1 Falcao (26.), 0-2 Hulk (59.), 0-3 Hulk (78.), 1-3 Bobo (90.)