Gylfi skoraði í æfingaleik

Gylfi Þór Sigurðsson skoraði sitt fyrsta mark fyrir þýska úrvalsdeildarfélagið Hoffenheim í dag. Hann skoraði eina mark liðsins í 2-1 tapleik fyrir SV Sandhausen.

Hann skoraði markið á 20. mínútu leiksins en öll mörk leiksins voru skoruð í fyrri hálfleik. Honum var svo skipt af velli á 76. mínútu.

Gylfi kom inn á sem varamaður er Hoffenheim vann Schalke á föstudagskvöldið, 2-0. Það var hans fyrsti leikur fyrir félagið síðan hann var keyptur frá Reading í lok síðasta mánaðar.