Allt flug með eðlilegum hætti

Allir alþjóðaflugvellir á landinu hafa verið opnir síðan í gærkvöldi og millilandaflugið fer nú um Keflavíkurflugvöll. Allt bendir til að innanlandsflug verði samkvæmt áætlun í dag eftir tveggja daga röskun. Fyrstu innanlandsvélarnar fóru frá Reykjavík í gærkvöldi til Akureyrar og Egilsstaða.

Áfram gaus í Eyjafjallajökli í nótt af svipuðum krafti og í gær, en spár um öskudreifingu benda sterklega til þess að allir alþjóðaflugvellirnir verði opnir næstu daga og að allt flug geti orðið samkvæmt áætlun.