Sunnudagsmessan: Pamela spáir Arsenal sigri gegn Chelsea

Spáhundurinn Pamela hefur trú á því að Arsenal leggi Chelsea að velli í stórleik kvöldsins í ensku úrvalsdeildinni í fótbolta. Pamela hefur aldrei haft rétt fyrir sér í þau þrjú skipti sem hún hefur verið gestur í Sunnudagsmessunni.

Pamela kom Hjörvari Hafliðasyni á óvart með þessari spá en Hjövar benti á þá staðreynd að Chelsea hefur aðeins tapað tvívegis gegn Arsenal í síðustu 18 leikjum þessara liða. Innslagið má sjá í heild sinni með því að smella á hnappinn hér fyrir ofan. Þar kemur ýmislegt fróðlegt í ljós og þar á meðal birtir Guðmundur Benediktsson ljósmynd sem náðist af Pamelu í Arsenalbúning.