Sáttasemjari reynir að bjarga bardaga Mayweather og Pacquaio

Sáttasemjari hefur verið ráðinn til þess að reyna að bjarga bardaga Floyd Mayweather og Manny Pacquiao sem áætlað var að færi fram þann 13. mars næstkomandi.

Pacquiao dró sig úr viðureigninni eftir að Mayweather fór fram á að lyfjapróf yrðu framkvæmd skömmu fyrir bardagann.

Aðilar hafa annars náð samkomulagi um öll önnur atriði bardagans.

Pacquiao hefur einnig kært Maywaether og hans menn fyrir að ásaka sig um að hafa notað ólögleg lyf en Mayweather neitar að hafa komið fram með slíkar ásakanir.