Podolski vildi slást við íþróttafréttamann

Lukas Podolski, landsliðsmaður Þýskalands, kunni ekki að meta spurningar íþróttafréttamannsins Christian Ortlepp eftir landsleik Þýskalands og Argentínu í gær.

„Nú var þetta ekki þinn besti leikur í búningi þýska landsliðsins og þín bestu tilþrif komu líklega þegar þú varst að hita upp," sagði Ortlepp við Podolski eftir leikinn.

Landsliðsmaðurinn kunni engan veginn að meta spurningarnar og svaraði með því að bjóða fréttamanninum upp í slag.

„Þú og félagar þínir í blaðamannastéttinni kunnið að rífa kjaft. En ég væri til í að sjá þig koma heim til mín. Komdu bara með það," sagði Podolski reiður.