Ferrari menn í skíðaveislu

Starfsmenn Formúlu 1 liðs Ferrari er í árlegri skíðaveislu í Madonna di Campiglio á Ítalíu og Fernando Alonso og Felipe Massa, ökumenn liðsins spreyta sig í skíðamennsku.

Alonso gekk til liðs við Ferrari í haust frá Renault og unir hag sínu vel og líklegt að sú staðreynd að tveir blóðheitir ökumenn eru í sama liðið eigi eftir að kveikja í áhuga manna. Þá sakar ekki koma Michael Schumacher til Mercedes en hann var hjá Ferrrari í 14 ár.

Ferrari menn dvelja í nokkra daga í skíðaparadísinni og er um hópefli að ræða, sem er árlegur viðburður.