Þjálfari Hansa hrósar Garðari og vill sjá aðeins meira

Andreas Zachhuber, þjálfari Hansa Rostock, framlengdi dvöl Garðars Jóhannssonar hjá félaginu og vill sjá meira til íslenska landsliðsframherjans. Garðar segir í viðtali við heimasíðu félagsins að hann vonist eftir samningstilboði.

„Ég vil sjá aðeins meira af Garðari. Hann hreyfir sig vel og skýlir boltanum vel. Hann er líka alltaf þar sem hætta skapast upp við markið," sagði Andreas Zachhuber sem er ánægður með hinn 190 sentimetra íslenska framherja.

„Mér líkar vel hérna og ég yrði mjög ánægður ef að félagið býður mér samning," sagði Garðar í viðtali við heimasíðuna.