Forsetinn kynnti nýjan Formúlu 1 kappa

Jose Maria Lopez frá Argentínu verður ökumaður nýja liðs USF1, sem er staðsett í Charlotte í Bandaríkjunum. Hann var um þriggja ára skeið þróunarökumaður Renault, en hvarf svo til síns heima og réði lögum og löfum mótaröðunm á heimavelli.

"Það er búið að vera markmið okkar að klófesta Lopez í nokkurn tíma. Það segir allt um karakter hans að hann gafst ekki upp, þótt hann fengi ekki sæti hjá Renault á sínum tíma sem keppnisökumaður", sagði Peter Windsor hjá USF1.

"Í stað þess að vorkenna sér þá fór hann heima og vann 38 mót á heimavelli og varð þrefaldur meistari. Þjóðin stendur á bakvið hann og aðeins fótbolti er stærri en Formúlan í Argentínu.

Til marks um vinsældir Lopez, þá tilkynnti forseti þjóðarinnar um þátttöku Lopezar í Formúlu 1. Tilkynnt var um málið í húsnæði ríkisstjórnar Argentínu.