Mourinho: Benzema getur betur

Jose Mourinho, þjálfari Real Madrid, vill fá mun meira frá franska framherjanum Karim Benzema sem hefur ekki staðið undir væntingum hjá Real Madrid.

Benzema hefur fengið mörg tækifæri í vetur þar sem Gonzalo Higuain meiddist en hefur ekki nýtt tækifærin sín nógu vel. Mourinho segir að Benzema geti mun betur.

"Það vita allir hvað býr í þessum strák.  Hann veit það líka sjálfur og hann veit hvað hann þarf að bæta. Hann er að vinna í sínum málum og að styrkjast," sagði Mourinho.

Benzema náði að skora gegn Lyon og var afar ánægður með að hafa skorað gegn gömlu félögunum þó svo hann hefði ekki fagnað markinu.