NFL-leikmaður handtekinn fyrir þjófnað í spilavíti

Mike Vrabel, sem vann Super Bowl þrisvar sinnum með New England Patriots, var handtekinn í gær fyrir að stela úr spilavíti í Indiana.

Hinn 35 ára gamli Vrabel var handtekinn seint um nótt og sleppt nokkrum tímum síðar. Hann verður ákærður fyrir þjófnaðinn.

"Þetta var óheppilegur misskilningur. Ég er viss um að þegar ég hef rætt við rétta aðila munum við finna lausn á málinu," sagði í yfirlýsingu frá Vrabel.

Hann spilar með Kansas City Chiefs þessa dagana sem hefur ekki í hyggju að refsa honum sérstaklega.