Ingi Þór búinn að semja við Snæfell til ársins 2014

Ingi Þór Steinþórsson framlengdi í gær samning sinn við Snæfell um tvö ár og mun því þjálfa karla- og kvennalið félagsins til ársins 2014. Ingi Þór var að klára sitt annað tímabil í Hólminum en hann gerði karlaliðið að tvöföldum meisturum á sínu fyrsta ári og í vetur vann liðið Lengjubikarinn og Meistarakeppnina.

Ingi Þór hefur auk þessa farið með kvennaliðið í úrslitakeppnina bæði tímabilin sem hann hefur verið með liðið sem er í fyrsta sinn sem Snæfell er með í úrslitakeppni kvenna.

Egill Egilsson og Snjólfur Björnsson skrifuðu við sama tækifæri undir samning við karlaliðið hjá Snæfelli og þá gerðu framlengdu þær Björg Guðrún Einarsdóttir, Berglind Gunnarsdóttir, Ellen Alfa Högnadóttir og Helga Hjördís Björgvinsdóttir samning sinn við kvennaliði.