Vettel fremstur á ráslínu fjórða skipti í röð

Formúlu 1 ökumaðurinn Sebastian Vettel sá við öllum keppinautum sínum í tímatökum á Istanbúl Park brautinni í Tyrklandi í dag. Hann varð á undan Mark Webber liðsfélaga sínum hjá Red Bull, en Nico Rosberg á Mercedes varð þriðji.

Vettel og Webber tóku áhættu í lokin og óku ekki síðasta sprettinn þegar keppinautar þeirra voru í brautinni. Þeir höfðu náð það góðum tíma áður, að þeir töldu ekki að aðrir gætu séð við þeim í síðustu tilraun og það gekk eftir, en Rosberg varð 0.525 á eftir Vettel, en Webber 0.405.

Með þessu móti spöruðu þeir dekkin Red Bull menn, en tóku líka sjénsinn á að enginn kæmi þeim í opna skjöldu. Michael Schumacher á Mercedes komst í fyrsta skipti í tíu manna úrslit á árinu og verður áttundi á ráslínu.

Bein útsending frá kappakstrinum er kl. 11.30 á sunnudag á Stöð 2 Sport og þátturinn Endmarkið verður kl. 14.00, þar sem fjallað verður um allt það helsta sem fór fram í keppninni.

Brautarlýsing

Tímarnir af autosport.com

1. Sebastian Vettel Red Bull-Renault 1m25.049s 2. Mark Webber Red Bull-Renault 1m25.454s + 0.405 3. Nico Rosberg Mercedes 1m25.574s + 0.525 4. Lewis Hamilton McLaren-Mercedes 1m25.595s + 0.546 5. Fernando Alonso Ferrari 1m25.851s + 0.802 6. Jenson Button McLaren-Mercedes 1m25.982s + 0.933 7. Vitaly Petrov Renault 1m26.296s + 1.247 8. Michael Schumacher Mercedes 1m26.646s + 1.597 9. Nick Heidfeld Renault 1m26.659s + 1.610 10. Felipe Massa Ferrari 11. Rubens Barrichello Williams-Cosworth 1m26.764s + 1.154 12. Adrian Sutil Force India-Mercedes 1m27.027s + 1.417 13. Paul di Resta Force India-Mercedes 1m27.145s + 1.535 14. Pastor Maldonado Williams-Cosworth 1m27.236s + 1.626 15. Sergio Perez Sauber-Ferrari 1m27.244s + 1.634 16. Sebastien Buemi Toro Rosso-Ferrari 1m27.255s + 1.645 17. Jaime Alguersuari Toro Rosso-Ferrari 1m27.572s + 1.962 18. Heikki Kovalainen Lotus-Renault 1m28.780s + 1.767 19. Jarno Trulli Lotus-Renault 1m31.119s + 4.106 20. Jerome D'Ambrosio Virgin-Cosworth 1m30.445s + 3.432 21. Tonio Liuzzi HRT-Cosworth 1m30.692s + 3.679 22. Timo Glock Virgin-Cosworth 1m30.813s + 3.800 23. Narain Karthikeyan HRT-Cosworth 1m31.564s + 4.551 24. Kamui Kobayashi Sauber-Ferrari