Þorvaldur: Menn voru að leggja sig fram hér í kvöld

„Ég er nokkuð ánægður að hafa haldið markinu hreinu og náð í þetta fyrsta stig,“ sagði Þorvaldur Örlygsson, þjálfari Fram, eftir leikinn við Fylkismenn í kvöld. Fram gerði markalaust jafntefli við Fylki í Árbænum í nokkuð bragðdaufum leik.

„Maður hefði að sjálfsögðu viljað fleiri stig hér í kvöld, en við verðum að sætta okkur við þessi úrslit“.

„Við fengum alveg nokkur færi til að skora sem hefði getað breytt leiknum mikið, en það gekk ekki í kvöld,“ sagði Þorvaldur.

„Það voru jákvæðir hlutir í gangi í okkar leik og menn lögðu sig mikið fram hér í kvöld“.