Massa stal senunni á Silverstone

Felipe Massa á Ferrari náði besta tíma á seinni æfingu Formúlu 1 liða á Silverstone brautinni í Bretlandi á blautri braut. Rigndi mikið á æfingunni. Massa náði besta tíma í blálokin, eftir að nokkrir ökumenn höfðu skipst á efsta sætinu á lokasprettinum á æfingunni.

Massa er í sjötta sæti í stigakeppni ökumanna og hefur ekki náð að landa sigri á þessu ári, en Sebastian Vettel á Red Bull hefur unnið sex mót af átta. Jenson Button og Lewis Hamilton á McLaren hafa hvor unnið eitt mót.

Búast má við vætuveðri alla helgina á Silverstone og það kom sér því vel að ökumenn gátu æft á hálli brautinni og prófað tvær mismunandi útgáfur af regndekkjum sem Pirelli býður upp á.

Fyrrum liðsfélagi Massa hjá Ferrari, Mercedes ökumaðurinn Michael Schumacher gat þess í viðtali við autosport.com að ef það rigndi í keppninni eftir þá gæti það fært honum möguleika á verðlaunasæti. Á fyrri æfingu dagsins var Schumacher næst fljótastur á eftir Mark Webber á Red Bull, sem vann mótið á Silverstone í fyrra.

Tímarnir í dag af autosport.com

 1.  Felipe Massa          Ferrari               1m49.967s             9

 2.  Nico Rosberg          Mercedes              1m50.744s  + 0.777   16

 3.  Kamui Kobayashi       Sauber-Ferrari        1m51.395s  + 1.428   16

 4.  Lewis Hamilton        McLaren-Mercedes      1m51.438s  + 1.471    6

 5.  Jenson Button         McLaren-Mercedes      1m51.518s  + 1.551    6

 6.  Adrian Sutil          Force India-Mercedes  1m51.738s  + 1.771   18

 7.  Paul di Resta         Force India-Mercedes  1m51.781s  + 1.814    7

 8.  Rubens Barrichello    Williams-Cosworth     1m51.992s  + 2.025   13

 9.  Sergio Perez          Sauber-Ferrari        1m52.169s  + 2.202   12

10.  Sebastien Buemi       Toro Rosso-Ferrari    1m52.189s  + 2.222   21

11.  Vitaly Petrov         Renault               1m52.198s  + 2.231    9

12.  Michael Schumacher    Mercedes              1m52.325s  + 2.358   12

13.  Heikki Kovalainen     Lotus-Renault         1m52.578s  + 2.611   16

14.  Mark Webber           Red Bull-Renault      1m52.587s  + 2.620    6

15.  Fernando Alonso       Ferrari               1m52.869s  + 2.902    8

16.  Nick Heidfeld         Renault               1m54.023s  + 4.056    8

17.  Jaime Alguersuari     Toro Rosso-Ferrari    1m54.274s  + 4.307   16

18.  Sebastian Vettel      Red Bull-Renault      1m54.545s  + 4.578    4

19.  Jerome D'Ambrosio     Virgin-Cosworth       1m54.714s  + 4.747   13

20.  Pastor Maldonado      Williams-Cosworth     1m55.155s  + 5.188    8

21.  Jarno Trulli          Lotus-Renault         1m55.155s  + 5.188   12

22.  Timo Glock            Virgin-Cosworth       1m55.549s  + 5.582   10

23.  Daniel Ricciardo      HRT-Cosworth          1m55.828s  + 5.861   10

24.  Tonio Liuzzi          HRT-Cosworth          1m56.037s  + 6.070    6