Neuer ekki í náðinni hjá stuðningsmönnum Bayern

Harðkjarna stuðningsmenn Bayern Munchen eru allt annað en sáttir við að Manuel Neuer sé orðinn markvörður félagsins en hann kom frá Schalke í sumar.

Fjölmargir þeirra gerðu sér ferð til Ítalíu þar sem Neuer lék sinn fyrsta leik fyrir FC Bayern.

Þar voru þeir mættir með borða með áletruninni að það skipti engu máli hvað Neuer myndi verja marga bolta. Hann yrði aldrei tekinn í sátt.

Forráðamenn Bayern taka þessa hegðun alvarlega og hafa sett þessa stuðningsmann í bann frá heimaleikjum félagsins.