Vettel sló Hamilton við í tímatökunni

Sebastian Vettel náði besta tíma í tímatökum fyrir ungverska Formúlu 1 kappaksturinn sem fer fram á morgun. Hann var 0.162 úr sekúndu fljótari en Lewis Hamilton á McLaren í tímatökunni á Hungaroring brautinni, en Jenson Button var þriðji fljótastur.

Hamilton vann mótið í Ungverjalandi árið 2007 og 2009 og Button vann sinn fyrsta sigur í Formúlu 1 á brautinni árið 2006 og fagnar sínu 200 móti á morgun.

Vettel er með 77 stiga forskot í stigakeppni ökumanna á Mark Webber á Red Bull, sem náði aðeins sjötta sæti í tímatökunni. Á undan honum eru m.a. Felipe Massa og Fernando Alonso á Ferrari, en Massa náði að slá Alonso við í fyrsta skipti á árinu hvað stöðu á ráslínu varðar.

Nýliðinn Sergio Perez á Sauber komst í annað skiptið á árinu í lokaumferð tímatökunnar, en hann gerði það einnig í Mónakó en gat ekki keppt eftir árekstur á vegg.

Bein útsending verður frá mótinu í Ungverjalandi kl. 11.40 á sunnudag í opinni dagskrá á Stöð 2 Sport.

Tímarnir af autosport.com

 1.  Sebastian Vettel      Red Bull-Renault     1m19.815s

 2.  Lewis Hamilton        McLaren-Mercedes     1m19.978s  + 0.163

 3.  Jenson Button         McLaren-Mercedes     1m20.024s  + 0.209

 4.  Felipe Massa          Ferrari              1m20.350s  + 0.535

 5.  Fernando Alonso       Ferrari              1m20.365s  + 0.550

 6.  Mark Webber           Red Bull-Renault     1m20.474s  + 0.659

 7.  Nico Rosberg          Mercedes             1m21.098s  + 1.283

 8.  Adrian Sutil          Force India-Mercedes 1m21.445s  + 1.630

 9.  Michael Schumacher    Mercedes             1m21.907s  + 2.092

10.  Sergio Perez          Sauber-Ferrari       engin tími

11.  Paul di Resta         Force India-Mercedes 1m22.256s   + 1.994

12.  Vitaly Petrov         Renault              1m22.284s   + 2.022

13.  Kamui Kobayashi       Sauber-Ferrari       1m22.435s   + 2.173

14.  Nick Heidfeld         Renault              1m22.470s   + 2.208

15.  Rubens Barrichello    Williams-Cosworth    1m22.684s   + 2.422

16.  Jaime Alguersuari     Toro Rosso-Ferrari   1m22.979s   + 2.717

17.  Pastor Maldonado      Williams-Cosworth    engin tími

18.  Sebastien Buemi       Toro Rosso-Ferrari   1m24.070s  + 2.492

19.  Heikki Kovalainen     Lotus-Renault        1m24.362s  + 2.784

20.  Jarno Trulli          Lotus-Renault        1m24.534s  + 2.956

21.  Timo Glock            Virgin-Cosworth      1m26.294s  + 4.716

22.  Tonio Liuzzi          HRT-Cosworth         1m26.323s  + 4.745

23.  Daniel Ricciardo      HRT-Cosworth         1m26.479s  + 4.901

24.  Jerome D'Ambrosio     Virgin-Cosworth      1m26.510s  + 4.932