Páll: Er stoltur af því að vera Þórsari í dag

„Við stóðum okkur vel í dag og ég er mjög stoltur af því að vera Þórsari,“ sagði Páll Viðar Gíslason, þjálfari Þórs, eftir ósigurinn í dag gegn KR í bikarúrslitaleik KSÍ.

„Ég er að sjálfsögðu ósáttur þar sem við ætluðum okkur að taka þennan bikar, en það var eitthvað sem kom í veg fyrir það í dag, líklega hönnunin á þessu marki“.

„Ég væri hrokafullur ef ég væri ekki sáttur með frammistöðu Þórsliðsins í dag. Ég held að flestir Þórsarar hafi skemmt sér vel í dag og notið dagsins“.