Vettel fljótastur í tímatökunni, en hjól flaug undan bíl Schumacher

Það var misjöfn gæfa tveggja þýskra ökumanna í tímatökunni á Spa brautinni í Belgíu í dag. Sebastian Vettel náði besta tíma á Red Bull, en Michael Schumacher verður aftastur á ráslínu eftir að afturhjól flaug undan bílnum í fyrstu umferð tímatökunnar.

Schumacher er að halda upp á það að tuttugu ár eru frá fyrsta Formúlu 1 móti hans, en gæfan var honum ekki hliðholl að þessu sinni. En það var harður slagur í tímatökunni í dag og mikil keppni um að komast 10 manna lokaumferðina.

Í níunda skipti á árinu tókst Vettel að ná besta tíma í tímatöku á þessu ári og hann verður á undan Lewis Hamilton á McLaren, en Mark Webber á Red Bull og Felipe Massa á Ferrari koma næstir.

Nýliði sem keppnisökumaður í liði Renault, Bruno Senna náði góðum árangri og er sjöundi á ráslínunni í sínu fyrsta móti með liðinu, en fyrir aftan hann verður Fernando Alonso á Ferrari.

Óheppilegt atvik varð á milli Hamilton og Pastor Maldonado í annari umferð tímatökunnar, en þá rákust þeir saman eftir að þeir komu í endamark og dómarar munu trúlega skoða atvikið.

Bein útsending er frá kappakstrinum á Spa brautinni kl. 11.30 á sunnudag í opinni dagskrá á Stöð 2 Sport. Tímarnir í dag af autosport.com.

 

 1.  Sebastian Vettel      Red Bull-Renault     1m48.298s

 2.  Lewis Hamilton        McLaren-Mercedes     1m48.730s   + 0.432

 3.  Mark Webber           Red Bull-Renault     1m49.376s   + 1.078

 4.  Felipe Massa          Ferrari              1m50.256s   + 1.958

 5.  Nico Rosberg          Mercedes             1m50.552s   + 2.254

 6.  Jaime Alguersuari     Toro Rosso-Ferrari   1m50.773s   + 2.475

 7.  Bruno Senna           Renault              1m51.121s   + 2.823

 8.  Fernando Alonso       Ferrari              1m51.251s   + 2.953

 9.  Sergio Perez          Sauber-Ferrari       1m51.374s   + 3.076

10.  Vitaly Petrov         Renault              1m52.303s   4.005                11.  Sebastien Buemi       Toro Rosso-Ferrari   2m04.692s   + 1.924

12.  Kamui Kobayashi       Sauber-Ferrari       2m04.757s   + 1.989

13.  Jenson Button         McLaren-Mercedes     2m05.150s   + 2.382

14.  Rubens Barrichello    Williams-Cosworth    2m07.349s   + 4.581

15.  Adrian Sutil          Force India-Mercedes 2m07.777s   + 5.009

16.  Pastor Maldonado      Williams-Cosworth    2m08.106s   + 5.338

17.  Heikki Kovalainen     Lotus-Renault      2m08.354s 5.586                18.  Paul di Resta         Force India-Mercedes 2m07.758s   + 5.945

19.  Jarno Trulli          Lotus-Renault        2m07.773s   + 5.960

20.  Timo Glock            Virgin-Cosworth      2m09.566s   + 7.753

21.  Jerome D'Ambrosio     Virgin-Cosworth      2m11.601s   + 9.788

22.  Tonio Liuzzi          HRT-Cosworth         2m11.616s   + 9.803