LeBron James heimsótti leikmenn Barcelona fótboltaliðsins

LeBron James, einn allra besti körfuboltamaður heimsins, heimsótti leikmenn Barcelona fótboltaliðsins, besta fótboltaliðs heims, á laugardagskvöldið. James hefur verið á ferðinni um Asíu og Evrópu síðustu vikurnar til að kynna fatalínu sem er með samning við hann.

Æfing Barcelona-liðsins var ekki opin almenningi en LeBron James var á sama tíma að æfa í Barcelona-höllinni til að halda sér í formi fyrir komandi tímabil. Hann ákvað að skella sér yfir á æfingasvæðið og heilsa um á Josep Guardiola og lærisveina hans.

Það var tekin mynd af LeBron James með öllu Barcelona-liðinu en LeBron bað líka sérstaklega um að vera myndaður með þeim Lionel Messi og Josep Guardiola. Það má sjá myndbrot frá heimsókn LeBron James með því að smella hér fyrir ofan.