20 ár frá fyrsta Formúlu 1 móti Schumacher

Mercedes ökumennirnir Michael Schumacher og Nico Rosberg mæta til leiks í Formúlu 1 á Spa brautinni um næstu helgi, en þá fer tólfta Formúlu 1 mót ársins fram á braut sem margir ökumenn halda upp á. Schumacher ók í Formúlu 1 í fyrsta skipti í Formúlu 1 á Spa brautinni árið 1991 með Jordan liðinu, fyrir 20 árum síðan.

„Mótið á Spa verður sérstakt að þessu sinni, þar sem ég ók þar í fyrsta skipti í Formúlu 1 fyrir 20 árum síðan. Það er erfitt að trúa að svo langt sé um liðið og margt hefur breyst á þessum 20 árum", sagði Schumacher í fréttatilkynningu frá Mercedes.

„En eitt hefur ekki breyst og það er að brautin er ennþá tilkomumikil. Ég elska náttúrulega staðsetningu brautarinnar og hólanna og hæðirnar. Það hefur svo margt markvert gerst á Spa hvað minn feril varðar. Ég vil því nota tækifærið og senda öllum aðdáendum mínum þakkir fyrir stuðningin síðustu 20 ár og líka eftir að ég mætti til leiks á ný", sagði Schumacher, sem byrjaði að keppa með Mercedes í fyrra eftir þriggja ára hlé frá Formúlu 1.

Schumacher sagði að menn mæti ferskir til leiks á Spa eftir sumarfrí og muni reyna setja mark sitt á mótið á Spa brautinni.

Rosberg, liðsfélagi Schumacher segir að Spa brautin sé önnur tveggja uppáhaldsbrauta hans, en Suzuka brautin Japan er hin.

„Brautin er ekki aðeins ögrandi, en líka skemmtilega að keyra á Formúlu 1 bíl. Það eru margir háhraðakaflar sem ætti að henta okkar bíl vel", sagði Rosberg sem hefur notið þess að vera í sumarfríi með fjölskyldunni, en segir að gott verði að komast í takt við kappakstur á ný um næstu helgi ásamt liðsmönnum sínum, sem voru í fríi líka.