Kvótafrumvarp mun valda fólksfækkun í eyjum

Verði kvótafrumvarpið samþykkt óbreytt á Alþingi, leiðir það til mikillar fólksfækkunar í Vestmannaeyjum. Þetta segir í umsögn um bæjarráðs Vestmannaeyja sem telur að með frumvarpinu skerðist aflaheimildir í Eyjum um 15 prósent. Um 100 manns, sem starfi við veiðar og vinnslu, missi vinnuna og með afleiddum störfum megi gera ráð fyrir að um tvö hundruð störf tapist.

Bæjarráðið segir að aðrir viðburðir í sögu byggðar í Vestmannaeyjum hafi ekki haft jafnmikil áhrif á samfélagið þar nema ef til vill Heimaeyjargosið árið 1973 og Tyrkjaránið árið 1627.