Nadal hrundi í gólfið á blaðamannafundi

Tennisstjarnan Rafael Nadal er á fullri ferð í titilvörn sinni á bandaríska meistaramótinu og vann síðast Argentínumanninn örugglega í þriðju umferð. Atvik á blaðamannafundinum eftir leikinn vakti þó nokkurn óhug meðal fjölmiðlafólksins á staðnum.

Rafael Nadal hrundi nefnilega í gólfið á blaðamannafundinum þegar hann sat fyrir spurningum blaðamanna. Það var þó ekki vegna ágengra spurninga heldur vegna krampa-verkja.

Allir blaðamennirnir þurftu að yfirgefa herbergið á meðan það var hugað að Nadal en tíu mínutum síðar birtist Spánverjinn aftur og kláraði fundinn í góðum gír og með bros á vör.

Rafael Nadal mætir næst Gilles Muller frá Lúxemborg í fjórðu umferðinni en Nadal er sigurstranglegastur á mótinu ásamt þeim Roger Federer og Novak Djokovic.

Það má upptöku af atvikinu með því að smella hér fyrir ofan.