Pato frá í fjórar vikur

Brasilíumaðurinn Pato hjá AC Milan verður frá næstu fjórar vikurnar vegna meiðsla sem hann varð fyrir í leik liðsins gegn Udinese í gær.

Leiknum lyktaði með 1-1 jafntefli en Pato mun meðal annars missa af leikjum Milan gegn Viktoria Plzen og BATE Borisov í Meistaradeild Evrópu.

Pato skoraði eftir aðeins 24 sekúndur í leik AC Milan gegn Barcelona í síðustu viku en þeim leik lauk með 2-2 jafntefli.

Hann entist í aðeins 22 mínútur í leiknum í gær en tognaði þá á lærvöðva. Varamaðurinn sem kom inn á í hans stað, Stephan El Shaarawy, skoraði mark AC Milan í leiknum.