Hólmar: Vorum ekki nægilega einbeittir á köflum

„Það er mikið svekkelsi að tapa 3-0,“ sagði Hólmar Örn Eyjólfsson, fyrirliði íslenska U-21 landsliðsins, eftir tapið gegn Englendingum í kvöld.

„Þetta tap gerir okkur mjög erfitt fyrir í riðlinum, en í síðustu undankeppni þá töpuðum við einnig tveimur leikjum og það reddaðist“.

„Við áttum ekki von á svona svakalegri pressu frá þeim strax í byrjun en þeir gáfu okkur engan tíma á boltann allan leikinn“.

„Á köflum lékum við fínan leik en svo komu tímapunktar í leiknum sem við vorum ekki nægilega einbeittir“.