Schumacher segir óvenjulega stemmningu í Abú Dabí

Formúlu 1 mót fer fram í Abú Dabí um næstu helgi og Michael Schumacher og Nico Rosberg hjá Mercedes mæta til leiks á mótsvæði sem var notað í fyrsta skipti árið 2009 í Formúlu 1. Mótið hefst í dagsbirtu, en lýkur á flóðlýstri braut, þar sem það hefst seint að degi til.

„Mótið í ljósaskiptum skapar óvenjulega stemmningu og áskorun. Ég naut mín sannarlega vel við þessar aðstæður í fyrra sem ég var upplifa í fyrsta skipti," sagði Schumacher um mótið í Abú Dabí.

Hann kvaðst vona að Mercedes liðið næði góðri frammistöðu í mótinu, en Schumacher varð í fimmti í síðustu keppni, sem var á nýrri braut í Indlandi.

Rosberg telur Yas Marina brautina í Abú Dabí vel hannaða, en Hermann Tilke og hans samstarfsfólk hannaði brautina.

„Þetta er frábært mótssvæði, sem liggur meðfram höfninni og hótelinu. Það er alltaf frábær stemmning þarna vegna fjölda áhorfenda", sagði Rosberg.

„Ég á góðar minningar frá síðasta ári og að keppa síðdegis er áhugaverð tilbreyting frá hefðbundinni mótshelgi," sagði Rosberg.

„Mér leið vel um borð í bílnum á meðan indverska kappakstrinum stóð og ætla að byggja á því í Abú Dabí. Ég vona við getum nálgast fljótustu liðin í síðustu tveimur mótunum á þessi keppnistímabili. Við erum að þrýsta á að ná því", sagði Rosberg.