Rooney: Ég get spilað allstaðar á vellinum

Wayne Rooney spilaði á miðju Manchester United í 2-0 sigri á rúmenska liðinu Otelul Galati í Meistaradeildinni í kvöld en sigurinn kom United-liðinu á topp riðilsins. Rooney skoraði seinna markið þremur mínútum fyrir leikslok en fékk reyndar góða hjálp frá rúmenskum varnarmanni.

„Við sáum það á leik Chelsea í gær að það eru engir auðveldir leikir í Meistaradeildinni. Þetta var mjög erfiður leikur," sagði Wayne Rooney en hvað fannst honum með að spila á miðjunni í þessum leik.

„Það skiptir ekki öllu máli hvar ég spila. Ég tel að ég sé nógu góður fótboltamaður til þess að spila allstaðar á vellinum án þess að vera að líta eitthvað stórt á mig," sagði Rooney og hann ætlar að berjast fyrir marki sínu sem gæti verið skráð sjálfsmark.

„Þetta er mitt mark, það er engin vafi," sagði Rooney.