Rodgers fagnaði með Mikka mús

"I´m going to Disney World," hefur löngum verið vinsæll frasi hjá bandarískum íþróttamönnum sem hafa unnið stóra titla. Frasinn hefur reyndar átt undir högg að sækja síðustu árin. Greinilega ekki jafn heitt lengur að heimsækja Mikka mús.

Aaron Rodgers, leikstjórnandi Green Bay Packers, er samt ekki að klikka á smáatriðunum því hann var mættur í Disney World daginn eftir að hann vann Super Bowl.

"Ég svaf ekki mikið í nótt en það er allt í lagi. Það er nauðsynlegt að fagna almennilega," sagði brosandi Rodgers en hann fór beint úr Disney World til New York þar sem hann var mættur í spjallþátt David Letterman.