Fimm ára starfi nefndar lokið

Lokaskýrsla nefndar um aðstæður barna og unglinga á upptöku- og vistheimilum er nú í prentun og verður kynnt formlega í næstu viku.

Nefndin hefur undanfarin fimm ár unnið að rannsókn á aðstæðum barna á slíkum heimilum hér á landi.

Skýrslan er sú síðasta sem unnin er af nefndinni samkvæmt erindisbréfi ráðherra. Róbert R. Spanó, formaður nefndarinnar, mun láta af störfum sem formaður þegar skýrslan hefur verið kynnt.

„Á blaðamannafundinum mun nefndin því fara almennt yfir farinn veg á undanförnum tæpum fimm árum sem við höfum verið starfandi og skilað af okkur 1.500 blaðsíðum af skýrslum,“ segir Róbert.- sv