Adrian Sutil, Paul di Resta og Nico Hülkenberg ráðnir ökumenn hjá Force India

Force India liðið tilkynnti í dag að Þjjóðverjinn Adrian Sutil varður áfram hjá liðinu, fimmta árið í röð og Skotinn Paul di Resta hefur verið ráðinn við hlið hans sem ökumaður og Þjóðverjinn Nico Hülkenberg verður varaökumaður liðsins.

Hülkenberg var hjá Williams í fyrra og náði m.a. ráspól í Formúlu 1 í fyrsta skipti á ferlinum, en var ekki ráðinn áfram og Pastor Maldonado frá Venúsúela var ráðinn í hans stað og verður liðsfélagi Rubens Barrichello frá Brasilíu hjá Williams í ár.

Paul di Resta var varaökumaður Force India liðsins í fyrra, en hann varð meistari í DTM mótaröðinni í fyrra, en hann er 24 ára gamall.

"Það hefur verið metnaður minn að verða F1 ökumaður og nokkuð sem mig hefur langað frá því ég nyrjaði í kartkappakstri og það er magnað að ná þessu marki. Ég lagt hart að mér á ferlinum og að ná því með Force India, ungu liði, er spennandi. Ég get ekki beðið eftir því að komast á ráslínuna í Barein," sagði di Resta um ráðninu sína í tilkynningu frá Force India.

Liðið gerði og langtímasamning við Hülkenberg, en hann mun byrja sem þróunar og varaökumaður.

"Ég er ánægður að vera í F1 árið 2011. Ég kann að meta að liðið gerði við mig langtímasamning og ég mun gera mitt ti að uppfylla væntingarnar," sagði Hulkneberg.