Tebowing hefur tekið við af plankinu

Vinsældir leikstjórnandans og trúboðans Tim Tebow ná út um allan heim. Það heitasta í heiminum núna er svokallað "Tebowing" og má segja að það sé búið að leysa plankið af hólmi.

Búið er að stofna sérstaka síðu utan um athæfið, tebowing.com, og þar má sjá fólk á ótrúlegustu stöðum stilla sér upp í bænastillingu Tebow.

Upp á brúm, fyrir framan Taj Mahal og fleiri þekkta ferðamannastaði og svo hafa jafnvel brúðhjón skellt sér í "Tebowing".

Trúboð Tebow virðist því vera að skila sér en myndirnar eru alveg magnaðar. Hægt er að komast beint inn á síðuna hér.