AC Milan komið í undanúrslit ítalska bikarsins

AC Milan tryggði sér sæti í undanúrslitum ítalska bikarsins með því að vinna 3-1 sigur á Lazio í átta liða úrslitunum í kvöld. AC Milan mætir Juventus í undanúrslitunum en í hinum leiknum mætast Napoli og Siena.

Djibril Cisse kom Lazio í 1-0 á 5. mínútu en Brasilíumaðurinn Robinho jafnaði leikinn á 15. mínútu og þremur mínútum síðar kom Hollendingurinn Clarence Seedorf AC Milan í 2-1.

Zlatan Ibrahimovic kom inn á sem varamaður á 70. mínútu og innsiglaði sigur AC Milan fjórtán mínútum síðar.