Sir Alex Ferguson: Ánægður með þessar lokatölur

Sir Alex Ferguson, stjóri Manchester United var ánægður með úrslitin en ekki spilamennskuna í 2-0 útisigri liðsins á Ajax í fyrri leik liðanna í 32 liða úrslitum Evrópudeildarinnar í Amsterdam í kvöld.

„Ég er mjög ánægður með þessar lokatölur. Þetta var venjuleg frammistaða og við náðum aldrei að komast á eitthvert flug í þessum leik. Við spiluðum ekki vel og náðum engum takti í okkar leik," sagði Sir Alex Ferguson gagnrýninn.

„Það var ekkert tempó í leik okkar í fyrri hálfleiknum en við bættum leik okkar í þeim seinni. Þetta var engin frábær frammistaða en hún dugði," sagði Ferguson.

„Seinna markið gefur okkur góða möguleika á því að komast áfram í seinni leiknum á Old Trafford," sagði Ferguson.