Scholes spilar líklega ekki á morgun

Paul Scholes gat ekki æft með Man. Utd í dag og mun því líklega ekki spila með liðinu gegn Athletic Bilbao í sextán liða úrslitum Evrópudeildarinnar á morgun.

Það var reyndar alltaf búist við því að Scholes myndi hvíla leikinn þar sem hann lék gegn Spurs síðasta sunnudag.

Bæði Michael Owen og Antonio Valencia æfðu einir þar sem þeir eru að jafna sig eftir meiðsli.

Bæði Tom Cleverley og Chris Smalling æfðu með liðinu í dag og gætu spilað á Old Trafford á morgun en þetta verður fyrri leikur liðanna í sextán liða úrslitum.