Gagnrýnir aðgerðarleysi SFO í Kaupþingsmálinu

Í leiðara breska blaðsins Guardian í dag er fjallað um aðgerðir sérstaks saksóknara í London í síðustu viku en embættið yfirheyrði á annan tug vitna vegna rannsóknar á meintri markaðsmisnotkun Kaupþings í aðdraganda hrunsins.

Rannsóknin beinist að fimm hundruð milljóna evra láni sem Kaupþing veitti nokkrum viðskiptavinum til kaupa á afleiðum sem veðjuðu á að skuldatryggingaálag bankans myndi lækka en það var á þessum tíma mjög hátt. Meðal viðskiptavina voru Deutsche Bank og breska tískudrottningin Karen Millen.

Í leiðara Guardian er gagnrýnt að hvorki breska fjármálaeftirlitið né efnahagsbrotadeild bresku lögreglunnar séu að rannsaka þetta mál heldur sé það einungis hinn íslenski saksóknari sem er að rannasaka það.