Bilið milli ríkra og fátækra eykst í Danmörku

Bilið milli ríkra og fátækra í Danmörku hefur aukist verulega á undanförnum þremur áratugum.

Árstekjur þeirra ríkustu eru nú að meðaltali 6,5 sinnum hærri en hjá meðallaunamanni í Danmörku samkvæmt nýrri könnun sem gerð var á vegum dönsku verkalýðsfélaganna. Árið 1985 voru þessar tekjur hinna ríku 4 sinnum hærri en hjá meðallaunamanninum.

Munurinn hefur farið vaxandi á síðustu árum. Þannig voru ráðstöfnunartekjur hinna ríku um 750.000 danskar krónur, eða um 17 milljónir króna, árið 2010 og hækkuðu um 17% það ár. Hinsvegar hækkuðu tekjurnar aðeins um 3,5% hjá meðallaunamanninum árið 2010.