Wenger gæti fengið leikbann

Arsene Wenger, stjóri Arsenal, gæti farið í bann í Evrópukeppnninni vegna hegðunar sinnar í seinni leiknum gegn AC Milan í Meistaradeildinni.

Arsenal vann leikinn, 3-0, en það dugði ekki til að komast áfram í átta liða úrslit keppninnar.

Wenger sagði eftir leikinn að frammistaða dómarans "hefði verið til skammar" og hann lét hann heyra það.

Aganefnd UEFA tekur málið fyrir í dag og þá kemur í ljós hvort Wenger fari í bann eður ei. Fái hann leikbann getur hann ekki tekið það út fyrr en á næstu leiktíð.