Breska ríkið vill selja RBS til fjárfesta í Abu Dhabi

Breska ríkið, sem á 82 prósent hlut í Royal Bank of Scotland (RBS), hefur á undanförnum mánuðum átt í viðræðum við fjárfestingasjóði í Abu Dhabi með það að markmiði að selja hlut sinn í bankanum. Frá þessu var greint seinni partinn í dag á vefsíðu breska ríkisútvarpsins BBC.

Ríkið eignaðist hlutinn í RBS þegar það setti 45,5 milljarða punda inn í bankann til þess að bjarga honum frá falli, haustið 2008 og á fyrri part árs 2009.

Samkvæmt fréttum BBC yrði fyrst horft til þess að selja smærri hluti í bankanum, frá 10 prósent og upp að þriðjungi hlutar ríkisins.

Sjá má frétt BBC um málið hér.