Kínverjar vilja opna dyr fyrir einkafjárfesta

Kínversk stjórnvöld skoða nú hvernig þau geta stutt enn frekar við hagvöxt í landinu, og er þar einkum horft til þess að opna dyrnar fyrir alþjóðlegum einkafjárfestum í fjármálageira landsins. Frá þessu greindi breska ríkisútvarpið BBC í dag.

Hagvöxtur mældist 8,1 prósent í Kína á fyrsta fjórðungi ársins, sem var töluvert undir væntingum. Til þess að örva hagvöxtinn frekar vilja stjórnvöld í Kína bregðast við gagnrýni á kínverska banka sem sagðir eru óskilvirkir og ekki samkeppnishæfir við alþjóðlega banka. Einkum horfa kínversk stjórnvöld til þess að hleypa einkafjárfestum inn í fjármálageirann með skuldabréfaútgáfu og einnig sem litlir hluthafar í fjármálastofnunum, sem eru að langmestu leyti í eigu kínverska ríkisins.

Sjá má umfjöllun BBC um þetta hér.