Strákarnir tóku æfingu í morgunsárið | Myndir

Strákarnir okkar í handboltalandsliðinu voru mættir út í æfingahöll sína í Lundúnum í morgunsárið og tóku hraustlega á því. Ekki furða því fyrstu tveir leikir Íslands eru klukkan 9.30 að staðartíma.

Reyndar þurftu þeir Snorri Steinn Guðjónsson og Róbert Gunnarsson að hvíla en Aron Pálmarsson gat verið með af fullum krafti í fyrsta sinn síðan hann meiddist fyrr í sumar.

Valgarður Gíslason, ljósmyndari Vísis og Fréttablaðsins, var viðstaddur æfinguna og tók þessar myndir.

Ísland mætir svo Argentínu í fyrsta leik á sunnudagsmorgun.