Dos Santos seldur til Real Mallorca

Það eru eflaust flestir búnir að gleyma því að Mexíkóinn Giovani dos Santos hafi verið í eigu Tottenham. Hann var það allt þar til í dag er hann var seldur til Spánar.

Spurs seldi þá leikmanninn til Real Mallorca á Spáni en leikmaðurinn sjálfur vildi komast til Spánar.

Mikils var vænst af leikmanninum er hann kom til Spurs frá Barcelona árið 2008. Hann náði hins vegar aldrei að festa sig í sessi hjá Lundúnaliðinu.

Leikmaðurinn hefur verið lánaður til Ipswich, Galatasaray og Racing Santander síðustu ár.