Ronaldo: Ég fagna þegar ég þarf að fagna

Það hefur mikið verið rætt og ritað um óánægju Cristiano Ronaldo hjá Real Madrid. Hann fagnaði ekki um daginn með liðinu en gaf sig allan í fagnið á sigurmarkinu gegn Man. City í gær.

"Ég fagna þegar ég þarf að fagna. Þetta var mikilvægur leikur og við erum með í baráttunni," sagði Ronaldo um fagnið.

Ronaldo hefur ekkert viljað tjá sig meira um það af hverju hann sé ekki sáttur í Madrid þessa dagana.

Leikgleðin var þó í fyrirrúmi í gær og aldrei að vita nema framhald verði á góðum fögnum.