Verðmætasta fyrirtæki Grikklands flytur til Sviss

Verðmætasta fyrirtæki Grikklands, Coca-Cola Hellenic hefur tilkynnt að það muni flytja höfuðstöðvar sínar frá Grikklandi til Sviss.

Stofnað verður nýtt félag um reksturinn í Sviss og verður það síðan skráð í kauphöllina í London.

Fyrirtækið sem metið er á 7,6 milljarða dollara er að hluta til í eigu Coca-Cola í Bandaríkjunum. Aðeins 5% tekna þess hafa komið frá Grikklandi en fyrirtækið er með starfsemi í 28 löndum.

Með því að flytja fyrirtækið til Sviss vonast eigendur þess til að auðveldara verði að finna nýja fjárfesta að þvi.