Nýjar myndir af Matthíasi Mána

Lögreglan sendi í dag fjölmiðlum nýjar myndir af Matthíasi Mána Erlingssyni, strokufanga af Litla Hrauni, sem má sjá hér til hliðar.

Lögreglan upplýsti í gær að fórnarlamb Matthíasar hefði flúið land með börn sín en Matthías hótaði konunni í símtali áður en hann strauk af Litla-Hrauni. Hann var í september dæmdur í fimm ára fangelsi fyrir að hafa ráðist á konuna.

Rúmlega sex sólarhringar eru síðan að Matthías komst út úr fangelsinu en umfangsmikil leit að honum hefur engu skilað.

Þeir sem vita um ferðir Matthíasar eru beðnir um að hafa samband í síma 444-1000.