Mourinho mun ekki segja starfi sínu lausu

Jose Mourinho, knattspyrnustjóri Real Madrid, sagði við spænska fjölmiðla í gær að hann myndi ekki láta af störfum eftir skelfilegt tap gegn Malaga 3-2 í spænsku úrvalsdeildinni í knattaspyrnu en Real Madrid er eftir ósigurinn 16 stigum á eftir Barcelona.

„Ég hef engar áhyggjur af starfi mínu og mun ekki segja af mér. Ég er samt ekki það barnalegur að átta mig ekki á því að úrslitin og stigin tala sínu máli."

„Ef ég myndi finna að leikmennirnir væru ekki að treysta mér lengur þá yrði ég að segja starfi mínu lausu, en svo er ekki og þess vegna held ég áfram."

„Þetta forskot Barcelona er allt of stórt og við getum gleymt því að verja titilinn".