Hafði verið látinn í 3 mánuði

62 ára enskur maður sem bjó á Írlandi fannst látinn í íbúð sinni í gær. Hann hafði verið látinn frá því um jól án þess að nokkur gerði sér grein fyrir því.

Alan Moore flutti til bæjarins Wexford fyrir áratug og bjó við fjölfarna götu. Í þrjá mánuði hafði fólk gengið framhjá húsinu hans og sumir höfðu veitt því athygli að jólatréð væri enn í stofunni og kveikt væri á ljósum þess. Það var þó ekki fyrr en á sunnudaginn sem vegfarandi benti lögreglunni á að athuga málið.

Í gær tilkynnti lögreglan að hún hefði fundið rotnandi lík hans í íbúðinni. Málið hefur vakið mikla umræðu um eldra fólk í litlum samfélögum á Írlandi. - þeb