Real Madrid kláraði Valencia í fyrri hálfleik

Real Madrid gekk gjörsamlega frá Valencia, 5-0, í spænsku úrvalsdeildinni í knattspyrnunni í kvöld. 

Staðan var í 5-0 í hálfleik í kvöld og leikurinn búinn. Valencia hafði unnið fjóra leiki í röð í deildinni fyrir leikinn í kvöld en fengu heldur betur að kenna á því í kvöld. Fyrsta mark leiksins kom á 9. mínútu þegar Higuaín  skoraði fínt mark.

Angel di María skoraði annað mark Real Madrid á 34. mínútu og á næstu tíu mínútum skoruðu leikmenn Real Madrid þrjú mörk til viðbótar. Cristiano Ronaldo gerði tvö af þeim og Angel di María eitt til viðbótar.

Staðan var því 5-0 í hálfleik. Síðari hálfleikurinn var mun rólegri og voru liðin í vandræðum með að skapa sér færi, enda var leikurinn ekki ýkja spennandi. Fleiri mörk voru ekki skoruð í leiknum og fór hann því 5-0.

Real Madrid er í þriðja sæti deildarinnar með 37 stig, 18 stigum á eftir Barcelona sem er í því efsta. Valencia er í því sjöunda með 30 stig.